#إسعاد_يونس تحذف مقالة عنصرية بعد هجوم ناشطين على مواقع التواصل

أجبرت مواقع التواصل الاجتماعي الفنانة المصرية إسعاد يونس، على حذف مقال قديم أعادت نشره عبر حسابها الشخصي على "فيسبوك"، بسبب المحتوى العنصري الذي تضمنه، أثناء محاولة منها لمدح الانقلاب العسكري ومظاهرات 30 يونيو/حزيران 2013. 

وكانت يونس قد نشرت تدوينة طويلة تحكي فيها قصة فتاة ريفية طردت من عملها بسبب عدم القيام به بالشكل اللائق، مع إسقاطات سياسية على عزل الرئيس المصري الراحل محمد مرسي, وفي سياق السرد، تضمّنت تدوينتها الكثير من الصور النمطية الطبقية والعنصرية ضد الريفيين والفلاحين.

وانطلاقاً من كل ما سبق، بدأت حملة عنيفة عليها. فكتبت إحدى المغردات: "تنمر إسعاد يونس وعنصريتها و من تُسمى صاحبة السعادة... إخص على كده بجد، بس تعليقات الناس قامت بالواجب".

وبصورة من التدوينة المحذوفة كتب حمادة: "إسعاد يونس مسحت البوست الزبالة، بعد هجوم من المصريين على تنمرها وقلة أدبها... مصر طول عمرها بلد زراعية وفلاحين كرام، مش زي الحرامية اللي ناهبين البلد... كان ليا زميلة في قسم HR كانت بتقول مصر مش هاينصلح حالها غير لما الفقراء يختفوا، لإنه مش هانتقدم غير لما الأشكال دي تختفي من الوجود". من جهتها كتبت دينا: "إسعاد يونس عُمري ما ضحكتلها على أي فيلم أو مسلسل، أو حتى اعتبرتها صاحبة سعادة، ودايمًا شايفاها واحدة طماعة ومنتفعة وجاهلة سياسيًا، وبايعة تاريخ مصر السينمائي للسعوديين. ودلوقتي قرأتلها مقال على صفحتها على فيسبوك، حاجة آخر قرف وعنصرية وسخرية من الفقراء وطلع كل ده تطبيل لـ30-6؟".

تنمر اسعاد يونس وعنصريتها
و من تُسمى صاحبة السعاده .... اخص على كده بجد
بس تعليقات الناس قامت بالواجبhttps://t.co/BecGLZ0wfs

— كتاكيتو بنى (@ehassany) July 3, 2020

وبإيجاز كتبت بوكي: "#إسعاد_يونس قصة سمجة كاذبة وإسقاط رخيص".

وبرابط للمقال كتب المجد للمجهولين: "وقت هوجة الدم لما كان اللي سايق إحرق واقتل، لطعت المقال القذر دة في المصري اليوم، لكن محدش ركز معاها ساعتها، وكعادة أي قذر ربنا بيفضحه ولو بعد حين، قررت إعادة ما نشرته سابقا، بس المرة دي عالسوشال ميديا عشان تتجلد جلد فاخر يليق بيها واللي شبهها #إسعاد_يونس".

إسعاد يونس مسحت البوست الزبالة بعد هجوم من المصريين على تنمرها وقلة أدبها.. مصر طول عمرها بلد زراعية وفلاحين كرام مش زي الحرامية اللي ناهبين البلد..كان لي زميلة في قسم HR كانت بتقول مصر مش هينصلح حالها غير لما الفقراء يختفوا لإنه مش هنتقدم غير لما الأشكال دي تختفي من الوجود 🙄 https://t.co/uaW1UA9cDr

— ابن الجنوب Hamada F. Mohamed (@hamada4fm) July 3, 2020

اسعاد يونس عُمري ما ضحكتلها على أي فيلم او مسلسل او حتى اعتبرتها صاحبة سعادة ودايمًا شايفاها واحدة طماعة ومنتفعة وجاهلة سياسيًا وبايعة تاريخ مصر السينمائي للسعوديين.
ودلوقتي قرأتلها مقال على صفحتها على الفيسبوك حاجة آخر قرف وعنصرية وسخرية من الفقراء وطلع كل ده تطبيل لـ٣٠-٦ !!؟

— Dina 🇦🇹⚜️ دينا (@Dina_2096) July 2, 2020

وهاجمتها سحر محمود: "إسعاد يونس كتبت بوست إسقاط على الإخوان، بتشبهم بفلاحة قذرة كانت جايه تشتغل عندهم خدامة، وطبعآ بعد ما وصفتها بأحقر وأحط الألفاظ ووصفت شعرها المليء بالحشرات بمستعمرة هنود حمر، إتضح إنها مش بس عنصرية لأ دي كمان جاهلة، ومفيش حد علمها إن الهنود الحمر دول شعب صاحب عادات وتقاليد وثقافات".

قوة السوشيال ميديا تجبر إسعاد يونس
على حذف كلامها الحقير ..!!
أين النيابة العامة من جريمة التنمر أليست هذه إحدي الحروب السيبرانية التي تستهدف السلم المجتمعي؟! pic.twitter.com/L3dyXa1EYy

— Haytham Abokhalil هيثم أبوخليل (@haythamabokhal1) July 3, 2020

وأضاف حساب باسم المجد للشهداء: "#إسعاد_يونس هم دول مؤيدين السيسي، والمنتفعين من النظام العسكري الحاكم منذ الخمسينات، مش شايفين شعب ولا بني آدمين، كل الناس من وجهة نظرهم عبيد وكتر خير العسكر إنه سايبنا عايشين، هم سرقونا وباعونا وقتلونا #ارحل_يا_فاشل".

#إسعاد_يونس
هم دول مؤيدين السيسي والمنتفعين من النظام العسكري الحاكم منذ الخمسينات
مش شايفين شعب ولا بني ادمين
كل الناس من وجهة نظرهم عبيد وكتر خير العسكر انه سايبنا عايشين هم سرقونا وباعونا وقتلونا #ارحل_يا_فاشل

— المجد للشهداء (@Hanamosharfny4) July 3, 2020