شريف إسماعيل وتواضروس في ألمانيا للعلاج ... "تأمينهم الصحي بأوروبا"

وتساءلت ريحانة: "‏إلا قولي يا عماد، البابا تواضروس ورئيس الوزراء الإنقلاب ‎#شريف_إسماعيل بيتعالجوا فى أوروبا، هم معندهمش تأمين صحى زى بتاع الغلابة".

ليرد عليها آمون: "‏‎‎‎‎‎‎‎‎‎‎‎التأمين بتاعهم فى مستشفايات أوربا مش هنا، هنا تامين إرهابي"، ورأى لكع الخبر بطريقته: "‏شريف اسماعيل والبابا تواضروس رايحين ألمانيا للعلاج فى يوم واحد!! أخبار معبرة عن حالة الحظيرة".

وذكرت شهد بتصريح رئيس الوزراء: "‏‎#شريف_اسماعيل يسافر إلى ألمانيا لإجراء عملية جراحية في المعدة! ليه السفر والتكاليف واحنا عندنا مستشفيات حكومية على مستوى عالمي وأحسن من مستشفيات إنجلترا".

كما تساءل سام: "‏‎وراح فين عبد العاطي كفتة العالم الجليل؟"، وسخر "أرسين لوبين": "‏‎‎أحسنوا الظن يا جماعة ..الراجل ترك مستشفيات مصر علشان الغلابة يتعالجوا ... يا وحشين".

أما عفاف فأشارت: "‏‎معلش، لدعم الإقتصاد الألماني المنهار، والناس لبعضيها"، وكان الصب في المصلحة حاضراً في تغريدة "لبناني": "‏‎‎يؤثرون على أنفسهم ولو كان بهم خصاصة، ترك المستشفيات المصرية الرائعة للمصريين، استكماﻻً لمسلسل الصب فى مصلحة المواطن".

واستعان محمد حامد، بكلمة المطربة شيرين: "‏‎الناس دي مش بتشرب من مية النيل وبتشرب مياه فيفيان ..عاوزاهم يتعالجوا فى مستشفيات مصر، هى الدنيا جرى فيها ايه؟ عاوزين الأسياد تتعالج في مستشفيات العبيد".

ولكن خالد أكد: "‏‎‎ماتظلموش الناس يا جماعة، دا هوا كان مصمم يتعالج فى مصر علشان يبقى قدوة ويبقى بيقول كلام  مطابق للواقع، بس للأسف لم يجد أي سرير فاضي في القصر العيني الفرنساوي، فقال اتعالج في الألماني".

وذكر محمد نقطة هامة: "‏السؤال هنا هوا ‎#شريف_اسماعيل هيتعالج على نفقته الخاصة ولا على نفقة الشعب ؟"، وغرد "إنجيلي ضد الكنيسة": "‏‎#شريف_اسماعيل، سفرك للخارج للعلاج بيفضح كل مزاعم لجانكم المقاطف في أوهام الإنجازات ... حتى المستشفى العسكري مش بتطمنوا فيها على نفسكم".