#ادعم_محمد_صلاح يتصدر التريند المصري والعالمي

وحاول الاتحاد التنصل من المشكلة التي تسبب فيها من خلال التفاوض مع وكيل اللاعب ليقوم هو بالسداد.

وتفجرت الأزمة التى تم إنكارها في البداية مع تغريدة كتبها صلاح عبر حسابه الرسمي يشكو فيها من طريقة المعاملة: "بكل أسف طريقة التعامل فيها إهانة كبيرة جدًا.. كنت أتمنى التعامل يكون أرقى من كدا".

واستجابة لردود الفعل الغاضبة، تدخل وزير الشباب والرياضة خالد عبدالعزيز معلنا عبر حسابه على تويتر أنه تم الاتفاق مع رئيس اتحاد كرة القدم هاني أبو ريدة لتنفيذ مطالب صلاح.

واحتل وسم #ادعم_محمد_صلاح، قمة الوسوم الأكثر تداولاً في مصر مصري والعالم، حيث تداول موقع balls.ie الأزمة وهو ما نشره الصحافي إيهاب الزلاقي برابط من موقع عالمي: "أعضاء اتحاد كرة القدم الموقرين.. القصة بقت عالمية يارجالة.. مبروك".

وطالب العديد من رواد مواقع التواصل، بمقاطعة شبكة المحمول التابعة للدولة والمتسببة في الأزمة فكتب أولفا: "الحملة لازم تستمر وتعلى وصوت السوشيال ميديا عالي ضد شركة المصرية للاتصالات WE قبل ما الموضوع يكبر أكتر من كده، إحنا نقدر نضغط على اتحاد الكرة بمقاطعة WE".

وعلق حمدي: "كلنا كنا عارفين ان الغيرة من وصول صلاح لرقم ١ شعبية في مصر جاية، كلنا كنا متوقعين التلويح بكارت التجنيد، كلنا كنا متوقعين الابتزاز عشان قرشين، لكن أسوأنا نية عمره ما تخيل قذارة التوقيت قبل أهم ماتش في حياته وأهم مونديال في حياتنا ونهاية أعظم موسم في مشواره".

ومبشرا بانتهاء الأزمة كتب عبد الرحمن : "وهييجي السيسي يتدخل بنفسه ويحل الأزمة بتاع صلاح وتتحسب من ضمن إنجازاته. وتحيا ماسر اتعلموها بقى".

وكتب مصري: "إنسان وصل رسالة الإسلام الحقيقية بطريقته ودخل قلوب الغرب ببساطته ودماثة أخلاقه وتربيته الحسنه فعل ما لم يفعله 1000 داعية دولة الفشلة ليس للناجحين فيها مكان".

وشارك، في الوسم، مشجعون عرب، فكتب عبد الله رشيد: "لو عندنا لاعب زي #محمد_صلاح .. نضبط كل الأجواء له حتى يصل لهدفه أفضل لاعب في العالم .. أستغرب أن يكون الاتحاد المصري ضد صلاح أو يعكر جو صلاح في وقت يحتاج فيه التركيز والدعم من مصر والمصريين..!!!".

وفي مقارنة بين تعامل دول أخرى تجاه رموزها الكروية كتب حامد خالد: "الأرجنتين: بتمجد ميسي وبتعملوا تماثيل تقديرا ليه البرتغال: بتمجد كريستيانو وبتعملوا تماثيل وبتفتخر بيه مصر: بتستغل أفضل موهبة ف تاريخها والي قدر يوصلها لكاس عالم بعد 28 وبتصدروا المشاكل .... لا تعليق".

ولم يسلم اتحاد الكرة من الهجوم حتى من بين كبار مؤيدي الرئيس المصري عبد الفتاح السيسي حيث دفع الأمر الصحافية ياسمين محفوظ لمطالبته بالتدخل وحل الأزمة قبل المونديال: "لازم حضرتك تتدخل في أزمة محمد صلاح اللي مالوش دخل بيها مع اتحاد الكرة. صلاح يا ريس اللي رفع اسم مصر في كل المحافل الرياضية العالمية، صلاح الوحيد اللي بيفرحنا كلنا وبار ببلده مصر واتحاد الكرة اللي بيمثلها بيتاجر بيه وبيحبطوه تدخل ياريس وانقذ مصر #ادعم_محمد_صلاح @AlsisiOfficial".