التضييق على موائد الرحمن بمصر... وساخرون: هيمنعوا رمضان قريب!

أثار قرار وزير التنمية المحلية المصري، هشام شريف، ضرورة الحصول على خمسة تصاريح لازمة، لمن أراد إفطار الصائمين في شهر رمضان، فيما يُعرف بموائد الرحمن، سخطاً واسعاً بين المصريين.

الوزير وضع خمس جهات مسؤولة عن تصاريح الموائد، وهي حسبما نقلت عنه مواقع مؤيدة للنظام، المرور وهيئة النظافة، والحماية المدنية، والطب البيطري، وإدارة الأحياء، مطالباً هذه الجهات بسرعة إصدارها.

القرار لم يثر سخط رواد التواصل فقط، بل شن الإعلامي المؤيد للنظام، عمرو أديب، هجوماً كبيراً عليه. وقال في برنامجه "كل يوم" على فضائية OnE: "نفسي أشوف اللي طلع قرار تراخيص موائد الرحمن ده!".

وتساءل: "طيب هسأل سؤال؟ أنا المصري الجن ومخدتش تصريح وعامل مائدة الرحمن.. لو دكر شيل طبق من يد واحد بيفطر، أنا عمرو أديب لو جيت تشيل طبق من يدي هقطعك". وأضاف موجهاً حديثه لوزارة التنمية المحلية: "يا جماعة الرحمة أنا وداني طولت.. كل يوم تشوف مصايب في البلد .. يا بني روح شوف الأرض اللي بتبوظ .. والزبالة اللي مش بتتشال والناس اللي مش بتشتغل".



وما إن انتشر خبر التصاريح لموائد الرحمن، حتى شن رواد التواصل هجوماً على القرار والمسؤولين والنظام. وغرد ممدوح: "‏منع صوت المساجد ومنع موائد الرحمن بدون تصريح، كمان فترة للسيسي وهيمنعوا رمضان نفسه". أما هاني فحمل حكم العسكر كل اللوم: "‏الحكومة تعلن على كل من يعمل موائد الرحمن أن يأتي بتصريح من 5 جهات، الطب البيطري، والصحة، والمرور، والمطافي، ومن رئيس الحي التابع له #حكم_العسكر".

وتساءل عيسى الشهاوي: "‏بالنسبة للناس اللي هاتفطر على موائد الرحمن في رمضان .. لازم تصريح من وزارة الداخلية ولا نروح عادي كده". وسخرت يوما: "‏#بقينا_في_مصر نعمل مؤائد الرحمن بتصريح، أروح أقول للحكومة عاوز آكل الغلابة، ايه رأيكم موافقين ولا لا؟".

أما ياسر فرأى الموضوع بصورة مختلفة: "‏الناس اللي زعلانة من إلغاء موائد الرحمن علشان الغلابة مش هتاكل، أحب أبلغهم ان الناس مش لاقية تآكل بقية السنة أصلاً". وعبر غنيم عن سخطه: "يعني مرخصتوش أسعار أي حاجة، ولا في دماغكم الناس عايشة وهتعيش ازاي، وشبه بتمنعوا موائد الرحمن كمان! ايه الكفر والفجر اللي فيكم دي!".

كذلك، سخرت عزة: "هيعملوا مفتشين لمراقبة جودة الأطعمة لموائد الرحمن، الا ما عارفين تعملوا مفتشين للأسعار والأسواق! #قواعد_موائد_الرحمن_الأربعين".