#الكهرباء_ومعاناة_المواطن.. ثورة "الإيكونوميست" الآتية

"ممكن يا ماما تقفلي النور عشان عايز أنام ونور اللمبة جاي في عيني؟ = لأ - ماشي .. لما اكبر هاغلي عليكو الكهربا"، هكذا تخيل ناشطون قصة الرئيس المصري عبد الفتاح السيسي في الصغر مع الكهرباء، ما جعل إصراره على رفع سعرها للمصريين، مستشهدين بما صرّح به سابقاً، عن قصته مع الأطفال الذين ضربوه صغيراً، فكان ردّه "لما أكبر هضربكم".

الكهرباء التي يتغنى النظام بنجاحه في تخطي أزمتها، كان ثمن حلّها من جيب المواطنين الذين تم رفع الدعم عنهم تدريجياً، منذ أن قال السيسي "هتدفع يعني هتدفع"، وكما جاء في التسريب الشهير "أنا ماعنديش حاجة ببلاش واسألوا عني الجيش".

ودشن ناشطون وسم #الكهرباء_ومعاناة_المواطن، ليرفعوا الصوت مع المواطنين، الذين بلغت معاناتهم قاب قوسين أو أدنى من الانفجار، وفق ما توقعت "الإيكونومست" في تقريرها الأخير عن مصر.

وكانت حركة "الاشتراكيين الثوريين" أول المبادرين، بدعوة المواطنين لعدم سداد فواتير الكهرباء، بما يشبه العصيان المدني، وذلك عبر حسابها الرسمي على منصات التواصل.

هوبا، سخر من الفواتير فكتب "محصل الكهربا:اتفضل الوصل بتاعك – انا:ايه ده كام – المحصل: 350 جنيه – انا: انا مش عايز ادفع انا مش قادر #الكهربا_ومعاناة_المواطن"، أما بهية فأعلنت عن الحل:" #الكهربا_ومعاناة_المواطن، بلاش كهربا ما عندكم نور عينين السيسي ببلاش".

وسخر أحمد سالم من السيسي "وايه يعني لما الكهربا تزيد 40% هنموت متكهربين ما نموت متكهربين، المهم نبقى كدا #الكهربا_ومعاناة_المواطن"، وتساءل جونيور "لما يجيلي 105 جنيه كهربا شهر 8 اللي لسه 11 أول الشهر واكتر من التلفزيون والمروحة مش ينشغل ده حرام ولا حلال؟ #الكهربا_ومعاناة_المواطن".

كما سخر ابراهيم "#الكهربا_ومعاناة_المواطن، كلنا هنتكهرب يا جودعان، إنجازات السيسي كهربت الشعب على 220 فولت و 500 امبير، مبروك علينا الإعدام بالفواتير يا جدعان #الكهربا_ومعاناة_المواطن"، مضيفاً "واحد صاحبي اتكهرب امبارح، خاف يروح المستشفى ليدفع فاتورة عالكهربا اللي ف جسمه".

وعلقت جيجي "دي بئه محتاجه ثوره حسبي الله ونعم الوكيل احنا بنتعاقب ولا ايه غلوها وبيقطعوها؟! اين العدل #الكهربا_ومعاناة_المواطن"، أما هشام فكتب "الكهربا لازم تزيد اضعاف الاضعاف انتوا متعرفوش انكم نور عنيه ولا ايه .. ايموشن السيسي #الكهربا_ومعاناة_المواطن".

وسخرت بتول من قهر المصريين "احنا نكهرب المواطن لحد ما ينشف عشان يحرم يستهلك الكهربا تاني! لاء ثواني كده؟ هتكهربوه ازاي؟ ولعوا فيه أرخص #الكهربا_ومعاناة_المواطن"، في حين علّق أحمد "ابن مين في مصر عشان تشغل التكييف.. ماتهوي بالكراسة زي بقيت الناس #الكهربا_ومعاناة_المواطن".

يُذكر أن مجلة "إيكونوميست"، نشرت تقريراً عن الأوضاع الاقتصادية المصرية، مشيرةً إلى أنها على وشك الانهيار، والتي قد تتسبب في ثورة جديدة للمصريين.

ويبدو أن هذا التقرير قد سبب حرجاً شديداً للإدارة المصرية الحالية، التي تستقبل بعثة صندوق النقد الدولي في هذه الأثناء، ما اعتبره بعض المعلقين، سبباً في تعجيل رفع الدعم عن الكهرباء، وهو أحد شروط الصندوق للموافقة على القرض الذي تطلبه مصر.