دشن بعض النشطاء صفحة "إيفينت" على موقع التواصل الاجتماعى "فيسبوك"، وقفة سلمية على أرصفة محطات مترو الأنفاق في اليوم التي تعلن فيه الحكومة تطبيق قرارها بزيادة سعر التذكرة، وانضم إلى "الإيفينت" 1154 شخصاً خلال خمس ساعات من تدشينه ظهر أمس الأربعاء.
قال أدمن الصفحة:"هننقل الغضب من الصمت بشكل سلمي بنقولها (سلمي) عشان اللي هيتدخل في وسطنا".
وأضاف: "لما الغلاء يوصل لسعر تذكرة المترو يعني إنت مش بتنقذ الفقير من فقره... لا إنت كمان بتمنعه من إنه يتحرك من خلال (مترو الغلابة)، يبقى لازم ننزل نهتف ارفعوا الدعم وغلوا الأسعار على الأغنياء.. ولا الغلبان مالوش مكان في مجتمعكم الرأسمالي؟!.. ليه الغلبان هو اللي بيدفع التمن وبعد الثورة هو اللي لازم يدفع فاتورة إصلاح الأنظمة؟".
واختتم دعوته بقوله: "إحنا شباب مصر .. أولاد الناس الغلابة وهندافع عن حقوقنا وحقوق أهلنا بشكل سلمي ومتحضر، إنتم طرحتم مشكلة وإحنا بنطرح حلول، لكن مش هنسمح إن يكون الحل إنك تجوّع عيالي".