مصر تواجه أزمة الدولار بـ"حرب النكات" و"الممبار الصيني"!

المذيع عمرو أديب، صدم مشاهديه بآخر بدع المصريين، وهي استيراد الممبار (أكلة مصرية شعبية)، وقال في برنامجه "كل يوم" على فضائية OnE: "الممبار الصيني يغزو الأسواق، الله يرحمك يا أمه، وبيقولوا الدولار بيروح فين، والصين وصلت لمرحلة إنها بتصدر لينا ممبار".

وروى قصة الصين التي أرسلت وفدا لاكتشاف ماذا يأكل المصريين: "ناس عاوزة تشتغل، مش بتقطع في بعض، عملوا ممبار مكتوب عليه صنع في الصين".

وأضاف "مش كفاية فانوس رمضان، لأ ممبار كمان". وفي النهاية وجه كلامه لعامر "تحية إلى محافظ البنك المركزي، وعلى فكرة أنا بنكت"، في إشارة منه لنكتة عامر والدولار "اللي هيوصل 4 جنيه".



"الممبار الصيني" وصل لمواقع التواصل التي استقبلته على طريقتها. فكتبت إيمان "وصلنا لمرحلة ان الصين بقت بتصدرلنا ممبار صيني سعر الكيلو 4 جنيه، مصيبة بكل ما تحمله الكلمة".

وسخرت نعمة "إحنا بنستورد ممبار صيني؟! دا أكيد ممبار الحمير اللي إحنا صدرناه للصين!!". وتساءلت سماح عن الدولار " بنستورد ممبار صيني، يعني أكيد كلابي، مش كفاية اللحمة الحميري اللي عندنا، أخبار الدولار ايه يا بلد".

وعلى فيسبوك، وجه تامر عبد الرؤوف الرسالة "الممبار الصيني يغزو الأسواق المصرية.. الشعب المصري بيحشي ممبار صيني made in china، تحية إلى محافظ البنك المركزي ..تاكل ممبار صيني".

Twitter Post

وتعجب فرج "ممبار صيني! وبعدين معاكي يا مصر". وسخر محمود "عملوا ممبار صيني، والصوبع من دول مكتوب عليه made in china".

Twitter Post

يذكر أن طارق عامر محافظ البنك المركزي المصري، صرح منذ أيام ردا على التخبط الكبير في أسعار الدولار، وملامسته لمبلغ 18 جنيها من جديد، بأنه كان يمزح، حين قال إنه سيجعل سعر الدولار في مصر 4 جنيهات فقط، وأضاف "دي كانت نكتة والشعب المصري يحب النكتة".