مصر: #قاطعوا_المترو رداً على عودة "الصب في المصلحة"

عادت عبارة "الصب في المصلحة"، للتداول على مواقع التواصل الاجتماعي، بعد زيادة الحكومة المصرية، سعر تذكرة المترو بما يصل إلى 350%.

وانطلقت دعوات لمقاطعة المترو، رداً على الزيادة الكبيرة، لينتشر وسم #قاطعوا_المترو، في حين احتل وسم #المترو، قمة قائمة الأكثر تداولاً "الترند" المصري، في غياب واضح للكتائب الإلكترونية، التي آثرت الاختفاء لحين مرور عاصفة الغضب.

كما تداول رواد التواصل، فيديو للرئيس عبد الفتاح السيسي مرّ عليه عام، يقول فيه عن زيادة أسعار المترو: "هتقولي غلبان وتمن التذكرة ما أنا كمان غلبان ومش قادر".

وغرد أحمد توتي: "‏‎#المترو غلي سبعة جنيه؟ طب واحنا مرتباتنا زادت ٧٠٠% يا بهايم عشان يغلى كدا؟؟ يعني واحد بيركب في الشهر مرتين مترو ب ١٢٠ جنيه، يركبهم في يوم وليلة ب ٤٢٠؟".

وعلقت ياسمين سعفان: "‏‎#المترو.. زلطة كان بيركب المترو لما سمع رفع أسعارالتذكرة دخل الخبر في صدره قتلوا.. وهو ايه الغريب في كدا يا زلطة كل حاجة في البلد سعرها بيرتفع إلا المواطن".



وتساءل حازم عبد الله: "‏مين عاقل يتخيل ان المصري اللي كان بيدفع في المترو جنيه واحد حتى 2014 لازم يدفع النهارده 7 جنيه لنفس التذكرة لنفس المشوار؟؟ هل دخله زاد في الفترة دي 700% ؟؟ لا حول ولا قوة إلا بالله ..  ‎#المترو".

وأوضحت "آزارو"، هدف النظام: "‏نزلكوا 4 جنيه  شهرياً في التموين .. و3 جنيه في مصاريف المدارس السنوية ...علشان يلم ال 7 جنيه يوميا في المترو ... #المترو".

وسخرت هدير المعروفة بـ "الدرة المصونة": "‏‎#المترو. زعلانين ليه؟ هو انتوا لسة شوفتوا حاجة.. بكرة أحلى"، ودعا محمد خير الله: "‏حتى تنتهي هذه المهزلة ... #المترو #قاطعوا_المترو .. ابدأ بنفسك وانشر الصورة أو اتكلم عن المقاطعة نقف بقى وقفة صح علشان خاطر المصلحة اللي مبقاش فيها مكان".


ولفت الناشط إيهاب مسلم: "‏‏الذكاء في التسعير.. لو ركبت 9 محطات وبعدها 9 تانيين بتذكرتين تمنهم 6 جنيه ل 18 محطة.. أفضل من 16 محطة ب 7 جنيه.. هل لمجموع الثانوية العامة علاقة بالذكاء ده؟".

وغرد الحساب الساخر "عمرو الجيزاوي": "‏وهنا تتضح حاجة الشعب إلى ركوب الحمير بعد زيادة أسعار تذاكر ‎#المترو لكن للأسف الشعب أكل أغلبية احتياطي مصر من الحمير وهنا الحكمة تقول الحمار الأبيض ينفع في اليوم الأسود".

أما "مصري" فتخيل لعبة الكروت الشهيرة: "‏خد سيف.. وكمان سيف.. انزلي بقى برفع سعر الكهربا والبنزين... #المترو".

 

Twitter Post

Twitter Post

Twitter Post

Twitter Post

Twitter Post

Twitter Post

Twitter Post

Twitter Post

Twitter Post

Twitter Post

Twitter Post

Twitter Post

Twitter Post