مصر.. #وزيرة_الاستثمار: "عايزين نجوز المستثمر للفرصة ويخلفوا كمان"

"المستثمرين تايهين جوانا، إحنا عايزين نجوز المستثمر للفرصة ويخلفوا كمان". ليست نكتة، ولا "إفيه" من أحد أفلام اللمبي الممثل محمد سعد، لكنه كلام وزيرة الاستثمار المصرية داليا خورشيد.

دخلت خورشيد دائرة تصريحات المسؤولين المثيرة للسخرية، من أوسع أبوابها، إذ قالت في حديثها أمام اللجنة البرلمانية الخاصة المشكلة لدراسة المحور الاقتصادي ببيان الحكومة، في مجلس النواب: "هناك مستثمر محلي وأجنبي وهناك فرصة، ويجب أن يروا بعض بسهولة"، متابعة: "قانون الاستثمار جزء من الإجراءات التشريعية والترويج والتغلب على المعوقات جزء آخر".

وشددت خورشيد على ضرورة التأكد من مزاولة المستثمر للنشاط، وأنه بدلا من جذب الاستثمار فقط يجب استخدام بنوك الاستثمار والبورصة وتشجيع المستثمر على مضاعفة استثماراته، قائلة: "المستثمرين تايهين جوانا، إحنا عايزين نجوز المستثمر للفرصة ويخلفوا كمان".

مواقع التواصل الاجتماعي، غرقت بالسخرية من كلام الوزيرة التي وصفوها، بأنها مصممة على انتزاع لقب "نجمة الموسم" في أسرع وقت، فعلقت الدكتورة عايدة سيف الدولة: "صحيح، منظمات حقوق الإنسان هي فعلا اللي مشوهة صورة مصر. مش سايبة فرصة للدرر دي تجمل الصورة".

بينما كتب، محمد السوهاجي: وزيرة الاستثمار للنواب: "عايزين المستثمر والفرصة يتجوزوا بعض ويخلفوا كمان (ويا بخت من وفق راسين في الحلال)".

أما عثمان الشيخ فكتب: "#وزيرة_الاستثمار: هنخلي المستثمر يتجوز الفرصة ويخلف منها كمان ودا طبعا عشان الفرصة بنت جميلة راكبة عجلة وكده ...هياخدها ع العجلة بقا"،
وعلق هاني السماك: "وزيرة الاستثمار: ''هنخلي المستثمر يتجوز الفرصة ويخلف منها كمان، بس الوزيرة ماقلتش دا جواز عن حب ولا صالونات".

بينما سخر محمود الهواري: "وزيرة الاستثمار: "هنخلي المستثمر يتجوز الفرصة ويخلف منها كمان، حضرتك انتى بتتكلمى جد ولا قاعدة على القهوة مع صحابك"، وعلى موجة السخرية نفسها علق أحمد خاطر: "وزيرة الاستثمار للنواب: "عايزين المستثمر والفرصة يتجوزوا بعض ويخلفوا كمان" ونسمي المولود أرباح أو عوائد الاستثمار".