مغردون عن #هنفوضك_تاني_ياسيسي: علشان تقتل باقي المصريين

أثناء افتتاح مرحلة الإنتاج المبكر لحقل "ظهر" للغاز، أمس، طلب الرئيس المصري عبدالفتاح السيسي تفويضاً آخر لـ "محاربة قوى الشر"، ما تلقفته كتائبه الإلكترونية بالترحيب، عبر وسم "#هنفوضك_تاني_ياسيسي"، وكالمعتاد تحول الوسم إلى منصة هجوم وسخرية من السيسي ونظامه.

كتب ناصر ميلانو: "يقدر يقتل وبيقتل دون تفويضكم لكنه يأبى إلا أن يغمس أيديكم مع يداه في الدماء... وما كان لي عليكم من سلطان إلا أن دعوتكم فاستجبتم لي".

وغردت منى العشري: "#هنفوضك_تاني_ياسيسي... هي الناس اللي عايزة تفوض #السيسي تاني ضد مين؟ ما هو رئيس السلطة التنفيذية، قبل كده كان ليس له أي سلطة وكان عايز ياخد سلطته من تفويض الشعب دلوقتي عايز تفويض ليه بجد حد يفهمني!".

ورداً على لجانه الإلكترونية، كتب محمد حمدي: "هنفوضه تاني انتو في غيبوبة ولا انتو أغبية، احنا تعبنا من الظلم والاستبداد والتحقير مننا الراجل ده بنى ضعف السجون اللي في مصر وخلاكي يا بلدي سجن كبير نفسي أشم نسيم الحرية والتقدم وإوعو تصدقوا اللجان الإلكترونية والمنتفعين".

وشاركت ريهام: "أنا هفوّض أمري لله في كل نقطة دم وكل حق ضاع وكل حتة أرض ونقطة ماية اتفرط فيها".

في حين قدّمت سهيلة اقتراحا لتفعيل التفويض الأول عام 2013: "طيب ما تعضعض التفويض الأوّلاني يمكن يشتغل معاك شوية".

وبشرح لغة جسده، كتبت نور: "بصرف النظر عن التهريج والألش على بلحة إنما تشعر من عصبيته وزعيقه وتقطيع الكلام أنه مأزوم بجد مشكلة إن يبقى ضهرك للحيطة يا تكمل يا... الكل عارفها يطلع على ضهره اللهم عليك به فإنه طغى وتكبّر وقتل عبادك وهو لا يعجزك... سبحانك".