مغرِّدون يسخرون من واقعهم مع السيسي: #كرونا_مين_احنا_مصريين

وامتلأ الوسم بالنكات والرسوم الساخرة التي اعتاد المصريون مواجهة الكوارث بها، ولم يخل من محاولات الكتائب الإلكترونية للدفاع عن نظام الرئيس عبد الفتاح السيسي، وموقفه في مواجهة الفيروس.

وكتب "أمير مصر": "‏هما ليه مش مهتمين بالفيروس.. هما مش خايفين علينا ولا إيه؟! ياض أفهم.. لو عندك 100 مليون خدنا منهم 2 مليون هتحس بحاجة! #كرونا_مين_احنا_مصريين".

وغردت دعاء: "‏‎#كرونا_مين_احنا_مصريين.. كورونا للعيال التوتو - احنا بنتنفس كيماويات ومبيدات حشرية".

ولخصت شوق الوضع: "‏‎#كرونا_مين_احنا_مصريين.. والله لو مصر مفيهاش كورونا... تبقى وزارة الصحة المصرية زي الفل.. ولو مصر فيها كورونا وباقي العالم ميعرفش يبقى الأمن المصري زي الفل.. ولو مصر فيها كورونا ووزارة الصحة والأمن المصري ميعرفوش.. يبقى الشعب المصري زي الفل".

وعلى لسان وزيرة الصحة كتب عبد الله ضيف: "‏‎#كرونا_مين_احنا_مصريين.. أنا كان مالي ومال السفرية الغبراء دى. دة أنا كل اللي أقدر عليه صينية مكرونة بشاميل. مش صينية كورونا لتلميع الباشا. ولكن أعمل ايه وما باليد حيلة. ولو مسفرتش الصين هيجيب وزير صحة غيري".

ومن تلوث الطعام سخر بيبرس: "‏لا ما هو انا مبقاش باكل حواوشي بـ2 جنيه وتقولي حاسب فيه ڤيروس هيموتك. #كرونا_مين_احنا_مصريين".

وتعجبت أسماء سعد: "‏‎شعب عنده أكبر نسبة فيروس سي بقاله تلاتين سنة بنشرب مياه غير صالحة للشرب.. بناكل أكل مسرطن وخضار، معندناش رعايه صحيه آدامية.. تروح مستشفى التأمين الصحي تلاقي مهزلة شعب ربنا وحده اللي عالم بيه لو منظمة الصحة العالمية أخدت مواطن مصري تعمله تحاليل تلاقيه عايش بالستر".

ووافقها آخر: "‏تصبحون على عالم خالي من ‎#فيروس_كورونا بإذن الله تعالى.. بس الغريبة بقى إن مصر للحين ما فيها كورونا ‎#كرونا_مين_احنا_مصريين".

وسخر بهاء مصطفى: "‏‎#كرونا_مين_احنا_مصريين.. عايز ايه.. عوز أشوف الكورونا اللي عندكو.. مافيش عندنا كورونا.. عندنا محشي بس".

وقال محمد القاضي: "‏وفقدت ‎#كرونا هيبتها.. احنا الفراعنة وبنينا بدل الهرم تلاتة بصحتنا. #كرونا_مين_احنا_مصريين".

وطمأن محمد فتحي الخائفين: "#كرونا_مين_احنا_مصريين.. الكورونا لو جاء إلى مصر يتحول هههه".