نائبة ببرلمان السيسي معللة ارتفاع أسعار البطاطس: "الفلوس جريت في إيد الناس"!
(محمد اسماعيل/الأناضول)
من جديد يقع أحد نواب برلمان الرئيس المصري، عبد الفتاح السيسي، تحت نيران مواقع التواصل الاجتماعي، فالنائبة وعضو اللجنة الاقتصادية، بسنت فهمي، المعينة من قبل السيسي نفسه، عللت ارتفاع الأسعار بالقول: "الفلوس جريت في إيد الناس".
وقالت في مداخلة هاتفية مع قناة "الحدث اليوم": "ارتفاع الأسعار ده طبيعي لأن اللي بيحكم الموضوع ده قواعد العرض والطلب، وفيه ناس كتير جريت في إيديها الفلوس، واشترت كتير فزاد الطلب مع قلة الإنتاج".
ورغم مرور أكثر من يوم على هذه التصريحات، إلا أن التفاعل معها زاد بعد انتشار الفيديو على مواقع التواصل الاجتماعي، ليهاجم ناشطون الاقتصادية التي توقعت من قبل استقرار سعر الدولار عند 8 جنيهات.
فهاجمها عبد المغني عبد النور: "بسنت فهمي الخبيرة الاقتصادية وعضوة اللجنة الاقتصادية بالبرلمان - ده مش كلام خبيرة اقتصادية ولا كلام نائبة فى اللجنة الاقتصادية .. ده كلام خالتي أطاطا - وأنا بقولك بصوت خالتي أطاطا: إلهي تتشكي في معاميعك .. لأن الفلوس جريت من إيد الناس بسببكم يا مجلس زبالة".
وقال صاحب حساب "دهاليز": "بسنت فهمي عضو اللجنة الاقتصادية ببرلمان الانقلاب تعليقا على أزمة ارتفاع أسعار البطاطس: الناس جريت في إيديها فلوس. #الجبان_بيخفي_البنات وسايب الحيزبونات".
وغرد محمد السوهاجي: "بسنت فهمي عضو اللجنة الاقتصادية فى برلمان الانقلاب بتقول إن ارتفاع الأسعار في الأسواق يرجع إلى زيادة الإقبال على الشراء وقلة المعروض.. في ناس جريت في إيدها الفلوس فزاد الطلب في مقابل قلة الإنتاج! هو الناس اللي بتجري في إيدها الفلوس بتروح تشتري فول وبطاطس".
وابتهلت أمل الدسوقي إلى الله: "بسنت فهمى نائبة البرلمان :كتر الفلوس مع الفقراء هو سبب رفع سعر البطاطس لزيادة الطلب عليها! الله يخرب بيتك والبيوت اللي جنب بيتك والبيوت اللي فوق بيتك.. والبيوت اللي تحت بيتك ياللي انتخبت هؤلاء للعمل على إنقاذ المواطن والوطن وتشريع القوانين.. الله يخرب بيتك زي ما بيوتنا اتخربت من الغلاء".
وكتب صاحب حساب "مصراوي للتغيير": "معاهم فلوس زي البطاطس .. النائبة (المصيبة) بسنت فهمي: سبب ارتفاع الأسعار الفلوس جريت في أيد الناس والبيوت مليانة فلوس على آخرها ومعاهم فلوس قد كده".
وقال صاحب حساب ساخر يحمل اسم الفنان "عمرو الجيزاوي": "نائبة البرطمان بسنت فهمى:أسباب ارتفاع الأسعار الفلوس جريت في إيد ناس! ايوه الناس افترت دول عايزين ياكلوا طماطم وبطاطس في شهر واحد .. افترا".
تابع آخر أخبار العربي الجديد عبر Google News
المزيد في منوعات
