غضب لغرق مدينة نصر بسبب الأمطار... وسخرية من مليارات السيسي
تفاعل رواد مواقع التواصل الاجتماعي في مصر مع غرق عدة محافظات ومدن وأحياء، وعلى رأسها حي مدينة نصر شمال القاهرة، بسبب هطول الأمطار الغزيرة، وهاجموا نظام الرئيس عبد الفتاح السيسي، الذي تفاخر بتطوير الحي الشهير، وأنشأ العديد من الكباري دون الاهتمام بوجود شبكة لتصريف مياه المطر.
وتساءل مغردون عن "أربعة تريليونات جنيه"، طبل بها السيسي كثيراً، وزعم أنها ذهبت لتحديث البنية التحتية، في حين تغرق مصر في الأمطار.
اللافت هو هجوم الأذرع وعلى رأسها أحمد موسى على النظام، إذ قال في برنامجه "على مسؤوليتي"، بفضائية "صدى البلد": "المشاهد اللي شفتها النهاردة، بشوفها من عشرين سنة كأننا ماغيرناش حاجة، كل سنة عند المنصة بتنزل المطر بتقفل مصر، وفيه ناس بقالها خمس ساعات في المطر". وتابع موسى: "معقول اللي بيحصل ده كأننا مش عارفين ان فيه مطر، مع إننا كل يوم بنقول فيه مطر، ورئيس الوزرا اجتمع مع المحافظين علشان المطر ومافيش نتيجة ".
محافظ القاهرة معرفش يرد على سؤال احمد موسى ازاي الميه تتجمع كده في مدينة نصر والشوارع لسه مرصوفه... خيبة بالويبة
— asho© (@____asho) November 25, 2020
وعلى "تويتر" كتب إسلام محمد: "10 دقايق مطر موقفة مدينة نصر تماماً... الموضوع مش كباري بس يا جماعة. تجنبوا #مدينة_نصر". وسخر محمد صديق: "مطر (سيول) في مدينة نصر بس خدمة الوطن فوق كل شيء أصل حمو هو اللي هايحمي مصر".
وقال هاني فكري: "طبعا مش محتاجين تتخيلوا شوارع مدينة نصر اللي اتوسعت واترصفت بدون بلاعة واحدة عشان الانجازات .. في يوم مطر غزير زي النهارده بقى شكلها ايه!! #تطوير_مدينة_نصر .. مرحبا بكم في البحيرات .. تحيا الانجازات".
وتساءلت نادية: "ياترى كباري مدينة نصر ال 100 أخبارهم ايه هم والمنازل بتاعتهم في ال 10 دقائق مطر". ووصفت ريمو: "شلالات بالشوارع الرئيسية.. غرق طرق مدينة نصر بسبب الأمطار الغزيرة. #اليوم_الدولي_للقضاء_على_العنف_ضد_المرأة #مقاطعة_المنتجات_الفرنسية29".
وعن غرق مصر كتب عمر الشاذلي: "#عاجل: غرق شوارع #الإسكندرية بشكل شبه كامل وكذلك غرق أحياء كاملة في #القاهرة منها حي جاردن سيتي وحي الدقي وحي مدينة نصر، وغرق شوارع محافظة #الجيزة وعاصفة قوية تضرب مدينة #المنصورة بمحافظة الدقهلية شمال #مصر .. و#رئاسة_الوزراء تحذر من الخروج من المنازل إلا للضرورة القصوى".
وطالب هشام: "تجب إقالة رئيس حي مدينة نصر فورا.. فشل في كل شيء اليوم شوية مطرة صغيرة عملت أزمة وشلل مروري في كل الشوارع .. رئيس الحي معندوش أي خطة لمواجهة أزمة صغيرة". كما هاجم جابر المري، السيسي: "4 تريليونات مصاريف بنية تحتية حسب تصريحات السيسي لم تشفع لربع ساعة أمطار بالشوارع". وغرد باسل سمير: "مدينة نصر بتغرق من 5 دقايق مطر".
شبكات صرف #السيسي !!!
— ضد الحكومة (@Antig0vernmentt) November 25, 2020
الشعب غرقان في الشوارع #مدينة_نصر #الأحوال_الجوية pic.twitter.com/uW6WC5bgxd
شلالات مدينة نصر pic.twitter.com/lQGuFfHsm0
— M A N A R 🇩🇪 (@MaAbdelrahmen) November 25, 2020
مدينة نصر ترحب بكم pic.twitter.com/HBXRUFWbDL
— Fadwa🏳 (@Fa_dw_a) November 25, 2020
الل يمشي ف مدينة نصر محتاج عوامه😞😞
— Tσ,м̃̾_Ψ (ℜ) (@RADY_DAW00D) November 25, 2020
بث مباشر من Venice عاصمة مدينة نصر - أول عباااااس أول مكررررم pic.twitter.com/hdP3FlpMrI
— Mohammed (@MHALOBAIDY99) November 25, 2020
بعد ساعتين في الطريق قلبت معانا بهيستريا ضحك على بحر مدينة نصر الاعظم 😂🤦🏻♀️ pic.twitter.com/YLIsS0yi3R
— Hayat - حياة🏳 (@nadaelshazly7) November 25, 2020
مدينة نصر بتعلن بدء مسابقات السباحة😂 pic.twitter.com/fDTRY1Ta6Q
— 𝒂𝒉𝒎𝒆𝒅 𝒐𝒎𝒓𝒂𝒏 🖤🥋 (@CapAhmedOmran) November 25, 2020
تابع آخر أخبار العربي الجديد عبر Google News
