المصريون يستقبلون أول إصابة بـ#كورونا: خوف وسخرية وانتقاد النظام

وأضافت الوزارة أنها أبلغت منظمة الصحة العالمية، أن الحالة نقلت إلى المستشفى لعزلها ومتابعتها. وعلى الرغم من محاولتها طمأنة المواطنين، إلا أنّ المغردين شككوا في قدرتها، واصفين ما يحصل بأنه مجرد دعاية كاذبة.

وتصدر وسم "#إقالة_وزيرة_الصحة" على موقع "تويتر" في البلاد، ما يعكس عدم الثقة في الوزيرة هالة زايد، وخوف المواطنين من خططها لمواجهة انتشار الفيروس.

وكتبت مروة عبد الحافظ: "‏فيروس كورونا بقى موجود فعلاً في مصر والموضوع بقى يخوف. ادعوا ربنا يشفي كل اللي مصاب بيه ويحفظنا ويحفظ أهالي مصر". وأشار علي المهدي: "‏كورونا دخل مصر!! ده خبر مرعب لدولة زي مصر والله. ربنا يستر".

وغرد ميدو: "‏قلقني جداً خبر اكتشاف أول حالة كورونا في مصر حتى لو كان جاي من برا. احنا كشعب معندناش ثقافة الوقاية. تخيلوا لا قدر الله واحد يعطس في مترو هيعدي كام واحد خاصة أن فترة حضانة الفيروس أسبوعين يعني هيفضل يركب مواصلات ويعدي أعداد أكبر لمدة أسبوعين من غير ما يحس انه تعبان ويتحجز في الحجر الصحي".

وحذرت حبيبة عبد الله: "‏حالة كورونا ايه اللي لقوها في مصر.. ده احنا المترو بس بنبقى 500 ألف واحد في نفس بعض ده مش هيعدي ساعتين وهنحتضر كلنا".

وسخر "زعيم الفلاحين": "‏مصر في الڤلانتاين جالها ‎#كورونا"، وتوقع محمود علي ساخراً: "‏بعد شوية... الإخوان وراء حالات كورونا في مصر".

وتعجب عمر عصام: "‏دا على أساس ان دي أول حالة كورونا فعلاً توصل مصر؟! طيبين أوي أنتم". ووافقه عبد الله مروان: "‏تم اكتشاف أول حالة مصابة بفيروس كورونا في مصر لشخص أجبني. الموضوع مريب". وانضم إليهم سعد في تشككه: "‏عندي قناعة شبه تامة إن ده مش أول واحد وإن كورونا موجود في مصر بقاله فترة بس إحنا اللي لسه منعرفش".

وتوجه محمد زغلول بالدعاء: "‏ربنا يسترها علينا من المرض ده علشان إحنا ناس مهملة خلقة بجد. عارف طبق الفول إلي على عربية كم واحد بياكل فيه.. عارف ميكروباص وأتوبيسات. سترك يا رب. #كورونا_مصر".