السيسي يطالب بمقاطعة السلع الغالية... ومغردون يسخرون

خلال كلمته في احتفالية المجلس القومي للمرأة لتكريم المرأة المصرية والأم المثالية، في مركز المنارة للمؤتمرات، أصدر الرئيس عبد الفتاح السيسي عدة قرارات خاصة بزيادة الحد الأدنى لمرتبات العاملين في الدولة، ورفع الحد الأدنى لأصحاب المعاشات، بجانب منح علاوة استثنائية.

وكانت القرارات فرصة للجان الإلكترونية والمطبّلين للإشادة به، وفرصةً أيضاً لمعارضي النظام للسخرية منه ومن محاولات خداعه الشعب.

وكتب م. محمد: "علاوة استثنائية.. زيادة سنوية... قشطة بالمهلبية.. لأ احنا نقول نعم بقا..". وعلق مجدي كامل: "150 جنيه رشوة لكل موظف قبل اﻻستفتاء على بقاء السيسي في السلطة 20 سنة.. بأقل من 15 يوم قالك أنا قعدت مع عباس وكده كده قلنا حندفع رشوة في اللجان من تحت 300 وطالع، طيب ما نغري الموظفين عشان ينزلوا يوافقوا ع اﻻستفتاء، وكلها شهرين ونرفع الدعم عنهم والأسعار كلها تتضاعف تاني والناس تلطم؟".

وغردت هوبا: "هو بغض النظر عن الرشوة المفضوحة دي، هو حالف ليطلع عين المحاسبين معاه ما يستنى لأول السنة". وشاركت راجية: "الحد الأدنى للموظفين 2000، علاوه استثنائية 150 جنيه،المعاشات حد أدنى 900 جنيه، وطبعا ده مالوش علاقة بالتعديلات الدستورية ولا عشان الناس تنزل وناخد اللقطة".

وسخر هشام صاحب مدونة افتكاسات: "زدنا 3 علب سجاير ميريت في الشهر".


وفي المؤتمر عند سؤاله عن ارتفاع الأسعار صرح السيسي: "الحاجات اللي تغلى ما تشتروهاش"، وهو ما فتح باب السخرية والهجوم.

وكتب حساب باسم نافذتي: "#السيسى عن رفع الأسعار: الحاجة اللي تغلى ماتشتروهاش، يعني لو الدواء غلي روح موت وريحنا". وعلق تامر عبد الله: "نظرية أم حمو ف الاقتصاد، فيلسوف اقتصادي كبير فعلا".

وسخرت برادعاوية دستورية: "الحاجة اللي تغلى ماتشتروهاش، كلوا ورق الشجر، يعني طب والغاز والكهربا؟ ماتزهقونيش بقى، اتصرفوا". وهاجمه عثمان خان: "#السيسي عايزين تسيطروا على الأسعار الحاجة اللي تغلى ما تشتروهاش، الموضوع بسيط، جبت التايهة، طب قوللي إيه الشئ الرخيص في مصر غير المواطن؟ نفس القاعدة القذرة، إلقاء اللوم على الشعب،وبيغفلك عن الحقيقه إن التاجر اللي بنشتري منه هو بنفسه بيشتري الحاجه غالية، ده غير ضرايبك اللي هريتوا فيها الناس".

بينما وجد عمرو محمد في تصريح السيسي المخرج فكتب: "#رسالة إلى كل مواطن مصرى، السيسي حكم وقال الحاجة اللي تغلى بلاش تشتروها، يعني لو فيه فواتير الكهرباء والمياه والغاز والتليفونات، وأي فواتير أخرى لو حصل فيها زيادة، بلاش تدفعوا، ودا أمر من رئيس الجمهورية المنقلب".

Twitter Post

Twitter Post

Twitter Post

Twitter Post

Twitter Post

Twitter Post

Twitter Post

Facebook Post