حرب كلامية بين آل الشيخ ومسؤول بالأهلي المصري... والجماهير تتدخل

وكتب تركي، عبر صفحته الرسمية: "أرجع أسال هوا أنت مين عشان أكسر عينك؟ مالكش أي قيمة... بعدين إذا أنا بحب الشو على كلامك على الأقل بدفع حق الشو الي بعمله... مش زيك هارينا بابي ومامي وفي الآخر ناجح بفلوسي أنا ودعمي أنا؟!".

وأضاف: "متعملش فيها راجل وبتاع كرامة وانتى أساسا الكرامة دي متعرفهاش إلا في بوست فيس! وبعدين أنا مش حشتم في أبوك المحترم الي للأسف معرفش يربيك ولا أجيب سيرة أرض الطوب الرملي في الواحة في مدينة نصر وبقية الأراضي والشيك الي بـ10 ملايين جنيه بدون رصيد لن كده حيزعل منك بابي".

وتابع: "لو عندك كرامة يأبو كرامة يا أهبل كان اتصرفت وأنا مرتين ارمي الاستقالة في وشك ومتقبلوهاش... واستقالة بين السطور فيها أنه ميشرفنيش أكون رئيس لنادي الأهلي العظيم الي بحبه وبحب جمهوره وفيه هلفوت في مجلس الإدارة زيك ... بتاع بابي ومامي! دي آخر مرة أنزل ل مستواك وارد عليك ببوست... فاهمني".

وكان محمد سراج عضو مجلس إدارة النادي الأهلي المصري قد كتب على صفحته: "بعيدا عن كورونا ربنا يحفظنا ويسلمنا منها جميعا في فيروس عجوز موجود من زمان في قطاع الرياضة في مصر وفي فيروس تاني عيل لسه مستجد من الخارج الفيروسات دي بتنشر فتن وقرف ومشاكل طول الوقت في الرياضة وبين الناس وبين بعض وبين أكبر جمهورين في مصر اللي أنا واحد مرضاش بإحداث أي نوع من أنواع الفتنة بينهم بأي شكل من الأشكال".

ورد عليه آل الشيخ : "هوا مين الهلفوت ده محمد سراج الدين؟ ايه موقعك من الإعراب بس قبل مرد عليك يا هلفوت؟".

وكتب سراج: "هو أنا متربي وهادي الحمد لله ودي نعمة ربتني عليها والدتي الأستاذة الجامعية ووالدي وهو لواء مدفعية سابق في الجيش المصري بس افتكر انه كان علمني كمان أن الكرامة دي أعلى وأهم صفات الإنسان وان عمري ما اقبل أي تجاوز في حقي".

وكانت الأزمة قد بدأت عندما نشر الرئيس السابق للاتحاد العربي لكرة القدم رسالة غامضة قال فيها: "إذا كان القرار بيد إدارة مش عاوزه مصلحة النادي وبيعطلوا أي حاجة تصب في مصلحة النادي...وصبرت عليها كتير بس واضح أنهم مش حيتغيروا في حاجه...الحمد الله عندي نادي في أوروبا..والباب الي يجيلك منه الريح سده واستريح... لغاية مايجي رجال يقدروا الرجال!".

ونشر بعض المكالمات الهاتفية المسجلة، ثم قال: "أهل مصر أهل طيبة وكرم وجدعنه ووفاء وأخلاق...الرسالة وصلت؟".

ودخلت الجماهير في سجال عبر الردود على التغريدة، وكتب حمادة العسكري "والله عيب لما عيل صغير من السعودية يخلي المصريين كلهم يشتموا بعض حسبنا الله ونعم الوكيل".
وكتب إبراهيم الوكيل" المقص الشمال بتاع المبادئ بينادي عليه والله"، وكتب ناصر الورداني "مازلت تتحدث عن الدنيا مفتخرا بمالك وسلطانك، أما كفاك ما أفسدت، ألا تتعظ متى سترجع يا مسكين".