"جنون الذهب" يتصدر ويضع قواعد جديدة لزواج المصريين
تصدر "جرام الذهب" قائمة الأكثر تداولاً المصرية اليوم الاثنين، بعد ارتفاع أسعاره بشكل جنوني، وتأرجحه بين 1800 و2000 جنيه للجرام، معبراً عن الأزمة الاقتصادية الخانقة، واضطراب سعر الجنيه أمام الدولار الأميركي، ولجوء المصريين لشراء الذهب، كملاذ آمن، وسط أجواء متوترة ومنتظرة لتعويم جديد، تواردت أنباء عنه منذ أيام.
المغردون المتفاعلون مع "الترند" عبروا عن صدمتهم من جنون أسعار الذهب، الذي يعبر عن خوف المصريين من تآكل مدخراتهم، وقارنوه بمرتباتهم ودخولهم، وسخروا من ضآلتها، وربطوا بين ارتفاع سعره وإحجام الشباب عن الزواج، باعتبار "الشبكة" ركناً أساسياً في التقاليد المصرية، وعبّروا عن يأسهم من الفكرة.
وقصّ حمدي أحمد تجربته الشخصية مع خطبة شقيقته، وغرّد: "أختي كان متقدملها عريس من سنة وكنا متفقين ع 100 جرام ذهب زي أختها وبنت عمها، وكان موافق بس يرجع من السفر، ولما رجع بيقول لسه عوزين 100جرام ذهب؟ قلناله الذهب اللي هتجيبه لنفسك احنا مش عوزين ذهب".
اختى كان متقدملها عريس من سنه وكنا متفقين ع 100 جرام دهب زى اختها وبنت عمها وكان موافق بس يرجع من السفر و لما رجع بيقول لسه عوزين 100جرام دهب قلنالو الدهب اللى هتجيبو لنفسك احنا مش عوزين دهب.
— حـَمدى (@hamdee_ahmed) December 4, 2022
وطالب أحمد أولياء الأمور بتيسير الزواج، وعدم المغالاة في المهور، وقال: "جرام الذهب بـ1850، ارحموا الشباب، وسيبكم من قصة الشبكة بالجرامات دي، كفاية هدية يجيبها العريس لعروسته واحفظ حق بنتك بالقائمة .. ساعدوا الشباب لطلب الزواج والعفة، البيوت امتلأت بالبنات والعنوسة انتشرت، والشباب معظمه عزف عن الزواج، وكله بسبب التكاليف المهلكة، والمهور الغالية!!".
بدوره، وافقه هشام خالد، وطالب بوضع قواعد جديد تيسر الزواج، وكتب: "طيب هو أنا بتكلم بجد جداً دلوقت، في ظل جرام الذهب الي بقا ب 1600، لسا فيه قاعدة انها يتجابلها ذهب زي اختها وزي بنت خالتها؟ ولا المفروض يتحط رولز جديدة تناسب الوقت ده، عشان كدا والله بقيتو بتحلموا بجد".
طيب هو انا بتكلم بجد جدا دلوقت، في ظل جرام الدهب الي بقا ب ١٦٠٠، لسا فيه قاعده انها يتجابلها دهب زي اختها وزي بت خالتها ؟ ولا المفروض يتحط رولز جديدة تناسب الوقت ده، عشان كدا والله بقيتو بتحلموا بجد
— هشام خالد (@DrHeshamkhaled) December 3, 2022
بينما عبر محمود كامل عن تعاطفه مع الشباب المقبل على الزواج، وكتب: "أنا آسف بس بعد اذنك لو قابلت حد مقبل على خطوة الجواز متكسرش مجاديفه بكلام هزار خايب وسخيف.. انت بتعمل في نفسك كدا ليه ههه، انت مش شايف الذهب بكام ههه، انت لاقي تاكل أصلاً ههه، ياريت بعد إذنك لو مش هتعرف تدعم حد عايز يعف نفسه بحلال ربنا يبقى تخرس".
انا اسف بس بعد اذنك لو قابلت حد مقبل علي خطوة الجواز متكسرش مجاديفه بكلام هزار خايب وسخيف.. انت بتعمل في نفسك كدا ليه ههه انت مش شايف الدهب بكام ههه
— Mahmoud Komael (@KameelMahmoud) December 4, 2022
انت لاقي تاكل اصلا ههه
ياريت بعد اذنك لو مش هتعرف تدعم حد عايز يعف نفسه بحلال ربنا يبقي تخرص
وبعملية حسابية بسيطة، سخر أحمد ثناء: "مش من زمان قوي قول من عشرين سنة مثلاً كانت الشبكة الطبيعية للطبقة المتوسطة في حدود 20-30 ألف جنيه وتبقى جايب حاجة معتبرة، دلوقتي بنفس بادجت ده تجيب عشرين جرام ذهب، يعني الطبقة المتوسطة حالياً المفروض تجيب شبكة بحوالي نص مليون مثلاً".
وفي السياق، سخر يحيى علي من جنون أسعار كل السلع على المصريين، وقال: "يعني الذهب بقا بـ2000 وربع الشاي بقا بـ40 يعني لا هتشوف العروسة ولا هتشرب الشاي بتاعها".
يعني الدهب بقااا ب ٢٠٠٠ وربع الشاي بقا ب ٤٠
— yahia (@yahialie) December 5, 2022
يعني لا هتشوف العروسه ولا هتشرب الشاي بتاعها😂💔 pic.twitter.com/2PO2RvsIiY
تابع آخر أخبار العربي الجديد عبر Google News
