تفجير #الهرم الإرهابي يتصدر "الترند": زيارة السيسي وتحذير أديب

وشهد التفاعل تنوعاً لافتاً، بين المشاركات الواسعة من الكتائب الإلكترونية للدفاع عن النظام ومهاجمة معارضيه ونفي تهمة الفشل في مواجهة الإرهاب أو التقصير الأمني، مدشنين وسم #ThisIsEgypt (هذه مصر) الذي دعت إليه خبيرة لغة الجسد، رغدة السعيد، المعروفة بقربها من الأجهزة الأمنية، في محاولة لتشتيت الانتباه عن التفجير.

ولم تمنع هذه المحاولات رواد مواقع التواصل الاجتماعي من الهجوم على النظام وفشله في منع التفجيرات، وربطوا بين انفجار الهرم وزيارة الرئيس المصري، عبد الفتاح السيسي، لها قبل يوم واحد، وتحذير الإعلامي عمرو أديب منها منذ أيام. 

فذكرت صاحبة حساب "ميدان رابعة العدوية": "‏انفجار حافلة ركاب سياحية بمنطقة ‎#الهرم بمحافظة الجيزة، وسقوط عدد من القتلى والجرحى، وقبلها بأيام المخبر عمرو أديب يحذر من الإرهاب المحتمل ضد الأقباط بأعياد رأس السنة الميلادية.. لا تخرج قبل أن تقول سبحان الله.. المجرم هو السيسي والمخبر عمرو أديب يسرح في الإعلام بكلام أسياده".

وكتب شادي جاهين: "‏‎#ThisIsEgypt #الهرم.. عزيزي عبد الفتاح السيسي.. بدون تحية.. لو عايز تعدل الدستور عدله براحتك واحكم مدى الحياة.. بس ماتقتلش حد تاني لا مصريين ولا غير مصريين.. احنا اتعودنا ع الظلم بس كفاية دم بقى".

وكتب حساب "الحرية للجدعان": "‏‎#الهرم.. بعيدا عن نظرية المؤامرة.. السيسي ونظامه المسؤول الأول عن التفجير وعن الضحايا بالتواطؤ أو بالتقصير".

وهاجم إسلام توفيق الأمن: "الداخلية مش فاضية تأمن السياح في مصر من كتر انشغالها بتأمين مؤتمرات السيسي. #الهرم".

وغردت سوزان هانم: "‏وجدير بالذكر ان التفجير حدث بعد ساعات من زيارة السيسي للمنطقة الأثرية والمتحف المصري الكبير.. من خطط للضربة تأكد من حالة الاسترخاء الأمني  التي ستعقب الزيارة. #الهرم ‎#تفجير_الهرم".

وحذر محمد حسن: "‏وادي السياحة في راس السنة انضربت وسلامي على الأمن والأمان بتاع السيسي.. لما فى قلب مصر يحصل تفجير.. مرحبا بيكم أكيد حاجة هتحصل.. الصب. #الهرم".

وعلق مصري على الاتهام الدائم للإخوان: "‏ايه دخل الاخوان يا متخلف انت.. لو الاخوان ليه السيسي مش قادر يخرج بيان يتهمهم فيه.. مش كل حاجة نقول عليها الاخوان.. في حاجات تتفهم بالعقل. #الهرم".

وتمنى مجدي كامل: "‏أتمنى نلاقي المنفذين الحقيقيين للجريمة.. مش تاني يوم نلاقي جثث متغطي وشها لشباب مانعرفش هما اللي عملوها ولا كانوا مختفين قسريا. ‎#الهرم".

وألقى "التركي" باللائمة على التقصير الأمني: "‏طول ما مفيش حساب للمقصرين بالأمن هيفضل الإرهاب موجود رغم كل اللي حصل على مدار السنين اللي فاتت مشوفناش مسؤول أو حد اتحاسب على تقصيره في شغله أو إهماله.. حادثة زي دي عارفين طبعا سلبياتها ايه في الوقت ده؟ تدمير للسياحة كلها وخسارة أهم دخل في البلد. #الهرم".

وانتقد حازم موافي تصريح رئيس الوزراء: "‏هو ايه اللي رئيس الوزراء بيهرتله دا؟! يعني ايه الأوتوبيس مشي في مسار غير المسار بتاعه المؤمن.. انت كدا بتقول للعالم ان البلد غير آمنه ومفيش غير مسارات معينة بس هي الي متأمنة.. ما تفكرو في الكلام قبل ما تقولوه. #الهرم".

وطالب ميدو فتحي المعروف بـ"عسل أسمر": "‏لما تيجي الحتة بتاعة الإخوان اللي عملوا تفجير ‎#المريوطية ابقوا صحوني. #الهرم".