المصريون يتفاعلون مع صرخة امرأة ضد السيسي: "إحنا جبناه وإحنا اللي نشيله"

"جُعنا، أنا كان معايا فلوس راحت، ليه يجوعنا وهو يعيش ف قصور؟ ليه الست تاكل من الزبالة عند أمي اللي المفروض تتحط ع الراس؟ ليه؟ هو بيذلنا؟ ده موظف تحت رجلينا، إحنا اللي جبناه وإحنا اللي هانشيله، ضحك علينا وقال هاتبقى قد الدنيا بقت أوسخ من الدنيا".

المقطع حظي باهتمام كبير من متابعي التظاهرات التي خرجت في محافظات مصرية، أمس الجمعة، ضد نظام السيسي، وتداولوا أجزاءً من صرختها. فكتب حساب قبل وبعد: "هذه المرأة اختصرت المشهد السياسي في مصر، والعلاقات المصرية مع السعودية والإمارات. #ميدان_التحرير".

وعلّق يوسف: "#ندعو_الجيش_بلاش_دم_تاني ليه يجوّعنا وهو يعيش في قصور، إحنا اللي جبناه.. وإحنا اللي هنشيله. صدقت الست دي والله". وكتب محمود علي: "إحنا اللي جبناه.. واحنا اللي هانشيله، هو موظف تحت رجلينا، #ميدان_التحرير صرخة امرأة مصرية".

وشارك أحمد البياض: "والله مش بزايد، بس بالنسبالي أنا أي حد بيتكلم عن الجوع والأسعار وكده، باعرف إنه هو كان مؤيد للسيسي، قبل كده وكان عجبه النظام، ولما خذلهم قلبوا عليه، مابتكلمش علي دي بس، بتكلم في العموم، الناس اللي نازله عشان الدم والظلم والفقر والجوع هما شرارة الأحداث".

وكتب النجم الساطع: "ليه يجوعنا وهو يعيش في قصور؟ ده موظف تحت رجلينا، إحنا اللي جبناه واحنا اللي هانشيله، كلمات عفوية من ست عظيمة مصرية بمظاهرات أمس، #ارحل_يا_سيسي #ميدان_التحرير #ندعو_الجيش_بلاش_دم_تاني".