انفجار مخزن للكيماويات في القاهرة بسبب "الحرارة"... ومغردون: ما بالك بمفاعل نووي؟

مبررات المتحدث العسكري لم تقنع ناشطين على مواقع التواصل الاجتماعي، وكتب أحدهم "في استمرار لمسلسل الاستهتار والسخرية من الشعب المصري، @EgyArmySpox (المتحدث العسكري المصري) طالع يقول إن انفجار المخزن التابع للجيش بمحيط #مطار_القاهرة سببه ارتفاع درجة حرارة الجو، طب ليه مش بنشوف حوادث مماثلة في دول الخليج اللي درجة الحرارة بتسيّح الأسفلت؟ الفساد بينخر في المؤسسة العسكرية".

وعلّق إسلام: "طب والله السبب بتاع ارتفاع درجة الحرارة ده جديد ومرن وينفع رد على حاجات كتير، اللي هو انخفاض قيمة العملة بسبب ارتفاع درجة الحرارة، انخفاض منسوب مياه نهر النيل بسبب ارتفاع درجة الحرارة، احنا مش هينفع نكمل مع بعض بسبب ارتفاع درجة الحرارة".

وغرّد طارق: "لما تقرّب حكاية المفاعل النووي انفجر بسبب الغفير كان بيقلي طعمية في الحر جنب المفاعل إبقوا منشنوني علشان بحب الفقرة دي قوي".

وكتبت سمر فؤاد: "طبقا لكلام المتحدث العسكري عن ارتفاع درجه الحرارة الذي أدى لانفجار خزان الوقود، يستحيل إقامة مفاعل نووي في مصر نتيجة لحرارة جوها الذي يفجر خزانات الوقود ما بالك بمفاعل نووي وعجبي #مطار_القاهرة #صوت_الانفجار".

ونظر محمد سليم بشكل إيجابي: "مصائب قوم عند قوم فوائد، يعني تخيلوا كده لو مكنشي حصل الانفجار أمس اللي هو الخميس كان السيسي (الرئيس عبدالفتاح السيسي) رخّم عليكم وصبّ في مصلحتك، بس سبحان الله ربنا لهاه عن الشعب #انفجار_قرب_مطار_القاهرة #مصر_بتستورد_رز".

ويبدو أن الأداء الرسمي الإعلامي لم يرق للمستوى المطلوب حتى بين مؤيدي النظام فكتب هاني: "#مطار_القاهره كل اللي بيعيبوا على الفتّايين متكلموش على قلة أدب الإعلام المصري، السوشيال كله كان بيتكلم عن صوت انفجارات وقنواتنا الحكومية والخاصة عايشة في مية البطيخ، اضطريت أروح للجزيرة والعربية، إحنا بسوء أداءنا اللي بنفتح باب للفتي والتربّص ونخلي الناس تسمع أخبارنا من كارهينا".

وأضاف نادر ميخائيل "مطار_القاهره لغاية امتى الإهمال والتسيب والتساهل مع الإرهابيين والمخربيين، ولا الخزانات دي انفجرت من الضحك، فين محاكمة المسؤولين عن الأمن والحراسة والأمن الصناعي والدفاع المدني ولا هما بيتحركوا بعد الخراب، وبعد كده يطلع عامل مزلقان القطر هو اللي غلطان، كفاياكم كده إهمال وفساد".

ولمحت راجية: "انفجار القاهرة وطبعا اللي خرج بالبيان هو المتحدث العسكري مش الداخلية أو رئيس الوزراء أو هيئة الدفاع المدني وده معناته إيه يا ولاد؟ أيوه: لا والله ما حكم عسكر".

تجدر الإشارة إلى أن مصادر إعلامية مطلعة كشفت في حديث لـ "العربي الجديد"، أن تعليمات من الجيش صدرت إلى جميع القنوات الفضائية المصرية، بعدم الحديث عن تفاصيل الحادث، والانتظار لحين صدور بيان مفصل للمتحدث باسم القوات المسلحة، وهي التعليمات نفسها التي تلقاها رؤساء تحرير الصحف المحلية، سواء الحكومية أو الخاصة.