تنمر الجيران على أسرة مصرية مصابة بكورونا يثير غضب مواقع التواصل

أثار مقطع فيديو لأسرة مصرية بمنطقة المعادي في القاهرة غضباً شديداً على مواقع التواصل الاجتماعي، بسبب شكواها من معاملة سيئة من الجيران، بعد معرفتهم بإصابة الأسرة بفيروس كورونا، إذ تعاني مما يشبه الحصار. تم تداول المقطع على نطاق واسع، مع طلب مساعدة الأسرة المصابة.

كتب لود: ‏"الست دي وجوزها وعيالها جالهم كورونا من مكان عمل الزوج.. الجيران بيعاملوهم كإرهابيين ورافضين يساعدوهم بأي شكل، بيقطعوا عنهم المية وبيرفضوا أي حد يطلع ليهم سواء حد من سوبر ماركت أو الصيدلية.. العيلة ف المعادي شارع 9. رقمهم 01280365160 أرجوكم ساعدوهم هما بشر".

ومتعجباً علّق محمود: "أسرة المعادي اتصابت والأهالي بيخوفوا بتوع الدليفري، وماحدش بيجيب لهم علاج أو أكل يعملوا إيه طيب؟ يروحوا فين؟ هو ده حق الجيرة؟ وجارك ده أقرب لك من أخوك وعائلتك. يعني أول واحد المفروض يساعدك لو محتاج.. اتقوا الله".

وشاركه فرجاني: ‏"فيديو الست بتاعت المعادي ديه اللي جوزها جاتله كورونا، وجيرانهم مش بيطلعوهم من البيت ومش بيخلوهم يشتروا أكل ولا شرب ولا حتى دواء، يوضح لنا ربنا بعت البلاء ده ليه، الناس خلاص مابقاش في قلوبها رحمة، الله غالب الله غالب ربنا شايف كل حاجة يا عالم يا جاحدة".

وعلّق بيبرس: ‏"بعد اللي حصل في دفن طبيبة الدقهلية من أهل البلد، وما يحدث الآن للأسرة المريضة بالمعادي من جيرانهم، ربنا يدربكها على كل الناس الواطية".

وتساءل أحمد: ‏"سوبر ماركت مش راضي يتعامل معاهم، وصيدلية بترفض تجبلهم علاج وسكان جيرانهم بيقطعوا عنهم المية، أقسم بالله مش متخيل اللي بيحصل، على كده كل دكتور وافق إنه يستمر في علاجك ومانسحبش، المفروض تشيل جزمته على راسك بقى".

وغردت بنت بلد: "‏أنا قريت معاناة أسرة المعادي المصابة بكورونا، واتأكدت إن الوباء إللي احنا فيه ده قليل علينا، حسبي الله ونعم الوكيل".

وكتب فؤاد: "‏إحنا وصلنا لكده إزاي؟ لا الحكومة بترحم ولا الناس بترحم بعضها، ملعون أبو الجهل والجحود اللي وصله شعب مصر من كتر الفقر والجهل والإذلال، أسرة كاملة مصابة بكورونا والحكومة سايباهم يواجهوا مصير مجهول، وجيرانهم بيعتبروا إنهم وباء وسطيهم".