نقيب الممثلين المصريين ينفي وقف تصوير المسلسلات... ومواقع التواصل تسخر

ويذكر أن مصادر في "الشركة المتحدة" للخدمات الإعلامية التابعة لجهاز المخابرات المصرية، والتي تقوم بإنتاج معظم المسلسلات المصرية، صرحت لـ"العربي الجديد" أن الشركة ترفض وقف تصوير الأعمال الدرامية هذا العام مع تفشي فيروس كورونا المستجد في مصر.

تصريح نقيب الممثلين فتح باب الهجوم والسخرية على مواقع التواصل الاجتماعي. فكتبت رشا عزب:‏ "جزء من الدولة بيقولك خليك في البيت، وجزء بيقولك إحنا شغالين ومصرين على عجلة الإنتاج، وممثلين يقولوا للناس إحنا جامدين وشغالين في لوكيشنز التصوير، عشان سعادة الجمهور مش الملايين اللي بيلهفوها والإعلانات، وجزء بيقولك اللي جاي أخطر، بس مفيش حظر كامل زي ما أغلب البلاد عملت.. كشري مصر". وساخراً من قول النقيب: "نعرّض حياتنا للوباء لإسعاد الجمهور" علّق حسام حملاوي: ‏"مش قادر أحوش دموعي". 

وشارك نمر على "تويتر": "‏‎#اشرف_زكي نقيب الممثلين عن تصوير دراما رمضان: نعرّض نفسنا للوباء لكي نقدم رسالتنا ونسعد الناس، البلد في وادي وأنتم في وادي تاني خالص، ورغم المليارات تكلفة المسلسلات تبرعتوا بمليون ونص". 

وكتبت كنداكة: "‏أشرف زكي بيقول إنهم مش هايوقفوا التصوير، ومعرضين حياتهم للوباء لإسعاد الناس، إحنا بقا بنقولك مش عاوزين لا إسعاد ولا إحسان # في بيوتكم ــ نقطونا بسكاتكم ومش عاوزين مسلسلاتكم".  وهاجمته رشا عبد الله: ‏"يخرب بيت الجهل! أشرف زكي نافيا إيقاف تصوير دراما رمضان: (نعرّض حياتنا للوباء لكي نقدم رسالتنا ونسعد الناس)". 

وشاركتها مريم: "‏أشرف زكي: (اتفقنا مع صناع الدراما نقلل تصوير مشاهد المجاميع، وتعقيم العاملين وآلات التصوير، ولم نتخذ أي قرار بتأجيل أي مسلسل لشهر رمضان ونحن كفنانين نعرّض حياتنا للوباء لكي نقدم رسالتنا)، لا هو لو إنت جاهل ف دي كارثة، خلي رسالتكم دي لنفسكم قبل ما تنشروا الوباء بغباء تجمعاتكم!". 

ووجه له نديم رسالة: "‏لا ده عشان ملايين المنتج وأجور الممثلين مش عشان الشعب، أعتقد لو تتبرعوا بجزء من ملايينكم عشان نشتري أجهزة تنفس الشعب هاينبسط أكتر".