سامح أبوعرايس يضرب من جديد: "باسم يوسف لابسه شيطان"

مرّة جديدة، يضرب سامح أبو عرايس، المنسّق السابق لحملة عمر سليمان، في انتخابات الرئاسة، ومؤسس حركة "أبناء مبارك"، الذي اعتبر سابقاً أنّ "الرئيس المصري عبدالفتاح السيسي فيه قوة سحرية تجعل الكلّ يحبونه"، وقال إنّه يحدّث الناس من المريخ.

خرج اليوم أبو عرايس ليقول إنّ "باسم يوسف لابساه روح شيطانيّة"، في منشور على صفحته على "فيسبوك"، قال "شاهدت صوراً لباسم يوسف في حفل جوائز إيمي في نيويورك. شكله بقى شبه الفامباير أو مصاصي الدماء. وجهه وملامحه ولونه غريب وكأنه بدون روح. السر في ده انه متلبسه روح شيطانية".

واعتبر في ادعاءاته أن باسم يوسف "ماسوني ومن عبدة الشيطان، أي أنّه باع روحه للشيطان"، مضيفاً: "لكن الجديد أنه واضح انه تلبسه الشيطان تماما. يعني هو ملبوس بجن يتكلم بلسانه ويسيطر على روحه".

واستمرّ قائلاً: "أنا استغربت زمان لما اليهودي الماسوني جون ستيوارت قال زمان عن باسم يوسف انه "واحد مننا اختار يعيش في مصر" واحد منكم اللي انتم مين؟ واختار يعيش في مصر ازاي وهو المفروض انه مصري ولد في مصر؟ النهاردة كل شيء واضح. جون ستيوارت كان بيتكلم بلسان الشياطين مش بلسانه. وبيتكلم عن الجن اللي متلبس جسد باسم يوسف واختار انه يتلبس جسده ويعيش في مصر ليؤدي دور معين. أنا عارف ان الكلام ده ممكن يكون غريب بالنسبة لناس كتير. بس موضوع تلبس الجن لجسد الانسان ده موضوع كبير. واللي اختاروا يبيعوا روحهم للشيطان زي باسم يوسف ممكن يحصل معاهم ده. فانتبهوا لما باسم يوسف بيتكلم هو بيتكلم بلسان شيطان يتلبسه مش بلسان باسم يوسف كإنسان!".