السيسي يشارك بماراثون الشباب... وساخرون: من أجل أمان الإسرائيليين

وكتب ابن مصر: "السيسي في ماراثون الشباب: #الإرهاب سيدمر الإنسانية لو ماجبش سيرة الإرهاب كل يوم، مايعرفش ينام.. تحس إن ناقصه حاجة، ارحمنا بقى ده انت اتكلمت عن الأرهاب أكتر ما اشتغلت".


وساخراً من عنوان الماراثون ومذكرا بتصريح سابق، كتب نديم: "#السيسى يتقدم الماراثون الدولي "الجميع من أجل السلام" بشرم الشيخ، طبعا مش محتاجين أقولكم إنه الجميع من أجل سلام وأمان المواطن الإسرائيلي جنبا إلى جنب مع سلام المواطن الإسرائيلي برضو".

وواصفاً المشهد، غرد "علوشي": "النظام معتقد إن شرم الشيخ هي مصر، أعتقد أنه في قرار نفسه يتمنى تغور باقي مصر وتفضل شرم وشوارع شرم علشان يجري فيها كل يومين مع شوية (اجتماعيين) أشبال".

وسخر محمد سامي من تواجد الحرس حوله: "المفروض إن ده ماراثون في مكان مأمّن من كل الجهات الأمنية العالم كله بيشوف الصور دي ممكن تفهمني إيه الأمن والأمان اللي في المنظر ده.. لما يتصور وسط حراسته بالكامل في ماراثون المفروض إنه رسالة للعالم إن مصر الأمن والأمان.. انت نفسك خايف والحرس مش قادر يجري جنبك بعيد عن اللقطة بمتر واحد".

ومقارناً بمشهد سينمائي من فيلم شهير، كتب طارق الشيخ: "في فيلم فورست غامب سُئل توم هانكس لماذا بدأت الركض فجأة وبعد عامين من الركض واتباع الآلاف لك توقفت فجأة، فجاء جوابه العبقري: حسيت إني عايز أجري فجريت، وبعدين طلعت في دماغي ووقفت، مع تحيات ماراثون السلام برعاية فورست السيسي".