مصر: 6 وسوم ترصد #ثورة_الجياع... وتطالب بعودة "وزير الغلابة"

غرّد سيد "#ثورة_الجياع تبدأ بـ #انتفاضة_الخبز وصرخات #المصريين الجياع سمعها الجميع في #انتفاضه_التموين، وما زال المسؤولون يعاندون ويكابرون"، ونقل محمد حكمة للإمام علي: "من كان همه ما يدخل جوفه، كانت قيمته ما يخرج منه، الإمام علي #ثورة_الجياع".

وعلّق أحمد على من فوّض السيسي: "#انتفاضة_التموين #ثورة_الجياع التطور الطبيعي للتفويض. حط الجزمة في بؤك واقعد ف البيت، الراجل لسة قدامه فترة تانية،، بنتكلم في 8 سنين، اصبر يا شعب"، وقارن خالد بما يحدث في سيناء "#انتفاضة_التموين في مصر الداخلية بتوزع العيش والجيش بيوزع لحمة وداعش بتعمل استعراض عسكري 20 دقيقة في سيناء .#انتفاضة_الخبز".

وبعد تصدر الوسوم الخاصة بها قمة "الترند"، قرر رواد التواصل استكمال انتفاضتهم بأكثر من وسم، نافسوا أيضا على صدارة قائمة الأكثر تداولا. #فين_العيش_ياحكومة؟ سؤال أو صرخة، وجهها المصريون للحكومة، بعد انخفاض حصة بعضهم من الخبز المدعم.

بيري أحمد غردت في الوسم: "#انتفاضة_التموين، الوزير خارج يقول والله ما أنا دا السيسي، من كتر ضغط الناس هو فاكر الناس هتسكت خلاص، كان زمان يا سيسي #فين_العيش_ياحكومة"، أما شيماء فقالت "دولة فقيرة زي ماااسر ماتقدر توفر أكل الغلابة بس قادرة على صرف ملايين على وزراء فشلة وحكومة خيبة، حتي يكونوا زي وزراء العالم #فين_العيش_ياحكومة".

وذكّر إسلام صلاح المصريين بوعد السيسي "‏الناس اللى ثايرة عشان الـ 5 أرغفة، أحب أقولهم كان وعد فى لقاءه مع لميس ان الرغيف يتقطع 4 أربع ويتقسم على 4 #فين_العيش_ياحكومه #هناكل_مصر_يعني"، وربط أنس بن مالك بعام المرأة "#فين_العيش_ياحكومه، في عام المرأة السيدات ينتفضن من أجل الخبز، ومشهد مبكي لسيدة تنهار وتمزق ملابسها بسبب غلاء الاسعار ، اللهم ثورة". وبعد السؤال عن "العيش"، قرر رواد التواصل، الاقتراض من الحكومة في وسم #هات_جنيه_أتعشى_بيه.

حسن الكومي تلبسته روح السيسي وغرّد: "وليه كده يا نور عنيا التبذير دة... اتبرع بيه لماسر #هات_جنيه_اتعشي_بيه"، وقال حسن أحمد "حسنوفيتش" على لسان السيسي أيضا: "‏ #هات_جنيه_اتعشي_بيه، قسما بالله اللي هيقولي هات جنيه لأشيله من على وش الأرض شيل".

ولفت "مانخوليا" إلى حجم الكارثة "2011 كان اللى بيهتف عيش يقصد بيه حياة كريمة،2017 اللى بيهتف عيش يقصد بيه عيش حرفياً #هات_جنيه_اتعشي_بيه"، وسخر كريم من تدني قيمة الجنيه: "ايه دا كله؟ لانشون، وجبنة رومي، وجبنة فلامنك، وزيتون أخضر، وزيتون أسود، وعسل ومربى، وعصير، ايه دا كله؟ دا واضح انه فرتك الجنيه كله، #هات_جنيه_اتعشي_بيه".

وبعد تصدر وسم #وزير_التموين، والذي ملأت به المواقع الخبرية تصريحات وزير تموين عصري مبارك والسيسي علي مصيلحي، محاولا امتصاص الانتفاضة بتصريحات تقلل مما حدث، وتلقي باللوم على الفساد أو الشائعات، ويؤكد أن الحل عند المنقذ المنتظر أو "وزارة الإنتاج الحربي"، التي تتولى منظومة الكروت الذكية للخبز.

رد عليه رواد التواصل بتذكر وزير الغلابة باسم عودة، ودشن له الناشطون وسم #عايزين_ناكل_خرجوا_باسم_عودة.

وترحم "مغرد صعيدي" على الماضي القريب بالقول: "والله زمان وبعودة .. فين أيام باسم عودة، الدكتور باسم عودة وزير الغلابة، الذي كان يشرف بنفسه علي جودة رغيف العيش #عايزين_ناكل_خرجوا_باسم_عودة"، وقال "حلاوة بيه العنتابلي: "#عايزين_ناكل_خرجوا_باسم_عودة، فى عز الأزمة حل وحل فعلا مع قلة الأمكانيات، عمل منظومة تعمل للمواطن كرامة، وعلشان كده حبسوه الأنجاس".

وغرد أبومحمد المصري: "‏#عايزين_ناكل_خرجوا_باسم_عودة، كان لازم تمشي وتتعدم يا د. باسم، مصر مش عاوزه اللي يجيب حق الغلابة، مصر دلوقتي عاوزه اللي يدوس على الغلابة"، واعترض "يسقط حكم المبرسمين" على الوسم وقال: "#عايزين_ناكل_خرجوا_باسم_عودة، عفوا الصح عاوزين ناكل طلعو مرسي اللي عين باسم عودة".