إعلان الإفراج عن #سامي_عنان يجدد الجدل: "صفقة ولّا انقلاب؟"

السلطات المصرية أفرجت عن عنان بعد نحو عامين من اعتقاله، في أعقاب كشفه عن اعتزامه خوض انتخابات الرئاسة التي أجريت عام 2018. ولم يعرف سبب الإفراج عنه. وأوقف عنان الذي كان يُنظر إليه باعتباره المنافس الرئيسي للرئيس عبد الفتاح السيسي حملته الانتخابية، بعد أن اتهمه الجيش بالسعي للترشح من دون إذن لوجوده ضمن قوات الاحتياط، في ما يعد مخالفة للقانون العسكري. ونفى متحدث باسم عنان مخالفته أي قوانين.

وتساءلت تمارا: "‏الإفراج المفاجئ عن الفريق ‎#سامي_عنان رغم صدور حكمين بحبسه 10 سنوات!!! صفقة دي ولا انقلاب؟". وهاجم مجدي كامل: "‏بعد اختطافه من شوية صيع.. الفريق ‎#سامي_عنان في منزله ومش حقول مبروك لأنه كان أسير مش مسجون".

وتوقع محمد مجدي: "‏الإفراج عن ‎#سامي_عنان في هذا التوقيت مريب جدا.. لو سامي عنان مات بعد خروجه بشهر أو حتى شهرين يبقى تم تسميمه داخل السجن بسم طويل المفعول حتى تبدو الوفاة طبيعية وغالبًا ده اللي هيحصل افتكروا التويته دي".

وذكر منصور أمين: "‏ده بيان القوات المسلحة لما الفريق ‎#سامي_عنان أعلن ترشحه للانتخابات الرئاسية.. فجأة أفرجوا عنه دون مقدمات لدرجة ان المحامي بتاعه ناصر أمين بيقول لـCNN: لا أعرف الصيغة القانونية التي بموجبها أفرج بها عن موكلي".

وغرد نور: "‏‎#سامي_عنان.. لسه في ناس طيبين في البلد بيقولوا خرج بعد سنتين بس من مدة الحكم اللي هي عشر سنين.. مين قال إننا بنمشي بالقانون.. القانون ده حاجة كده عشان الغلابة اللي زيي وزيك.. النهارده كمان حكم بحبس راجح قاتل محمود البنا بالسجن 15 سنة وأبوه كان حيتجنن من الحكم الظالم. #شهيد_الشهامة".

ورأى حساب "صوت الثورة": "‏الافراج عن ‎#سامي_عنان.. المعنى الحرفي للورق ورقنا والدفاتر دفاترنا".

وحلل مجدي قناوي: "‏‎‎يا أستاذ الموضوع واضح.. أي وفيات داخل السجن لشخصيات مهمة ستفتح على السيسي بابا دوليا وسيعيد احياء موت مرسي (الرئيس المصري الراحل محمد مرسي).. كما ان موت عنان داخل السجن سيكون تأثيره خطيرا على السيسي داخل الجيش.. وهذا تفسير الافراج عن الخضيري.. المعتقلون العواجيز قنبلة موقوتة ممكن ان تنفجر في وجه السيسي".

وقصت حنان أبو زيد في أغنية: "أول ما سمعت ‎#عمرو_دياب بيقول: اللي كان أكبر طموحه إني أتصور معاه لما كنت باعدي جنبه كان يقوم يقف انتباه"، افتكرت ‎#سامي_عنان و#السيسي #وعجبي #كلمتين_وبس".

بينما كتب "الألشجي": "‏العصابة تقول حمدين صباحي يرد ‎#سامي_عنان أفندم.. بترد ليه يا سامي.. حضرتك أنا حمدين الجديد.. طب متقولش كده قدام الناس ونشكرك لحسن تعاونك معنا". وتنبأ سيد حديدة: "‏لما عمرو أديب اللي هو أصلا عمود الخيمة بتاعنا يقولك انه فرحان بخروج ‎#سامي_عنان أعرفوا ان اللي جاي أنيل يا رفاق. #الثورة_هي_الحل".