مصريون يخرقون #حظر_التجول على الشواطئ... واتهامات للنظام

لم يمر يوم على انتشار صور تكدس وزحام ركاب مترو القاهرة قبيل موعد حظر التجول، حتى تداول رواد مواقع التواصل الاجتماعي صوراً لتجمعات المصريين على شواطئ الإسكندرية، والعين السخنة وغيرها، في مخالفة صريحة لإجراءات الدولة الاحترازية ومنع التجمعات لمكافحة فيروس كورونا.

وهاجمت الكتائب الإلكترونية والأذرع الإعلامية المخالفين، وطالبت بإغلاق شواطئ الإسكندرية. في حين هاجم مغردون نظام الرئيس عبد الفتاح السيسي لعدم غلقها من بداية #حظر_التجول، واعتبروا أن التراخي مقصود، لتكون ذريعة لحظر تجول شامل، وسخر آخرون قائلين: "هي الشواطئ ماكنتش مقفولة أصلا؟".

وكتب كمال النجار: "‏وائل الإبراشي جايب مشاهد من شواطئ اسكندرية اليوم وهي زحمة ونازل عتاب ولوم لأهل الاسكندرية وبيطالب المحافظ بقفل الشوارع والشواطئ من بكرة".

وغردت يمنى: "‏صور رأس البر وشواطئ إسكندرية دي دليل على إننا بنعادي نفسنا وفعلاً أنانين كل واحد همه نفسه ومش همه هو هيعدي كام حد.. يخربيت الغباء فعلاً وبجد اللي بيحصل فينا ده أقل حاجة قدام كمية الغباء دي".

وسخر محمد مسعود: "أنا بحب اسكندرية وأهلها وناسها ويشهد ربنا إني محفلتش عليكم بس ليا سؤال مهم جداً... نزلتوا مظاهرات ضد الكورنا وقولنا ماشي إنما تنزلوا الشواطئ ليه هااا ليه؟".

وقال حمادة الكحلي: "‏إبداع الأغبياء في عشق الوباء.. مصيف في مارس؟!! يا أخي بوس الفيروس من بؤه.. نقفل الشواطئ كمان. #كورونا #النيابه_تحاسب_مستغلي_الدين ‎#طنطا ‎#الملكة_إليزابيث ‎#شواطي_اسكندرية ‎#اغلاق_الشواطئ".

ولاحظ أيمن: "‏‎في التلفزيون بيقولوا قفلوا شواطئ اسكندرية وناقص يقولوا بعد كده هانضربها بالطيارات".

وتعجب إبراهيم النبلاوي: "‏الناس نزلت الشواطئ وبكثافة كأنها في أعياد أو إجازة صيف... والفيروس ليس في بالهم أو عقلهم نزلوا شواطئ السخنة ومطروح وبعض شواطئ إسكندرية مما دعا المحافظ لإغلاق كل الشواطئ".

Twitter Post

Twitter Post

Twitter Post

وانتقد حكيم ضوي النظام: "‏‎كان يجب على الدولة إغلاق شواطئ مصر كلها من أول ظهور الوباء وليس اليوم تتباهى بأن محافظ الإسكندرية قرر اغلاق شواطئ إسكندرية!".

وحذر باسم: "‏اللقطة اللي في شواطئ العين السخنة وإسكندرية هي نفسها نفس اللقطة اللي عملتها أمريكا من أسبوع ونص وبعدها الأرقام انفجرت".

وسخرت فاطمة: "‏هم بتوع إسكندرية مالهم بجد.. هم افتكروا إن عندهم شواطئ دلوقتي ولا إيه؟".

وكتبت دينا جمال: "‏مش إسكندرية بس اللى كانت على الشواطئ النهاردة.. فى صور على التايملاين شواطئ السخنة مليانة ناس.. وبورسعيد ورأس البر.. بس الإسكندرانية هيبقوا نوتى لوحدهم لدلوقتي للأسف احنا اللي هنجيب درفها.. شكلنا كده".

Twitter Post

Twitter Post

Twitter Post